RSS Feed

Mercedes Benz…

Mercedes Benz…

Mercedes-Benz, 1926 ilində Almaniya‘da əsası qoyulmuş minik maşını,yük maşını,sərnişin daşıyan maşın və mühərrik istehsal eləyən avtomobil firması.1886-cı ilin Yanvar ayında, Karl Benz təntənəli surətdə dünya üzrə istehsal edilmiş ilk avtomobilin təqdimatını edərək, bu üç təkərli nəqliyyat vasitəsinə Benz Patent Motor Car adını vermişdir. Bir neçə ay sonra, Gottlieb Daimler və onun baş mühəndisi olan Wilhelm Maybach, Daimler mühərriki ilə təchiz olunmuş dörd təkərli avtomobilin konseptual təməlini qoymuşdur. İlk Mercedes, Daimlerin ölümündən bir az müddət keçdikdən sonra, 1901-ci ildə istehsal olunmuşdur. Maybach tərəfindən yığılmış bu avtomobil, Daimlerin əsas distribyuterləridən biri olan Emil Jellinek tərəfindən istismara verilərək, nəticə etibarı ilə Jellinekin qızının şərəfinə Mercedes adını almışdır.

1926-cı ildə, DaimlerBenz tərəfindən yaradılan şirkətlər birləşərək Daimler-Benz AG brendinin meydana çıxmasına səbəb olmuşdur. Şirkətin simvolu dəfnə çələngi ilə əhatə olunmuş üç guşəli ulduz idi; bu cür ulduz fikri Daimlerin təsəvvürünə artıq illər öncə gəlmişdir və onun guşələrinin ifadə etdiyi başlıca anlam, bu ixtiraçının yaratdığı mühərriklərin quruda, havada və eləcə də suda hərəkət edən nəqliyyat vasitələrində istifadə üçün nəzərdə tutulması idi.

Elə lap başlanğıcdan, Mercedes-Benz adı avtomobil qüsursuzluğunun sinonimi idi. Bu avtomobil istehsalçısının ilkin modellərindən biri olmuş 1931-ci il buraxılışı Mercedes-Benz 170, həmin zəmanənin müstəsna xarakterli nailiyyəti hesab edilən müstəqil asma sistemi texnologiyasını təklif edən ilk avtomobil kimi fərqlənə bilmişdir. İyirminci əsrin 30 və 40-cı illərdə konveyerdən düşmüş, 380 540K kreyser modellər kimi Mercedes istehsalı olan avtomobillər isə dəbdəbənin ali dərəcəsinin axtarışında olan alıcıların yeganə seçiminə çevrilmişdi.

Keçmiş əsrin əllinci illəri Mercedes-Benz 300 SLGullwing” modelinin, o zamanlar dünyanın ilk super avtomobil adına layiq görülmüş idman avtomobilinin doğuluşuna şahid olmuşdur. Effektli üslubu və idman ruhlu texnologiyası ilə, 300 SL modeli günümüzdə də, bütün dünya üzrə klassik avtomobil kolleksiyaçıları tərəfindən rəğbətlə qarşılanmaqdadır. Həmin onillikdə Daimler-Benz təhlükəsizlik sahəsində də iri addımlar ata bilmişdir. Bu şirkətin istehsalı olan Mercedes-Benz 220 sedanları, toqquşma zamanı zərbənin absorbsiya edilməsi məqsədi ilə işlənib hazırlanaraq, sonralar patentləşdirilmiş “crumple zone” gövdə dizaynının tətbiq edildiyi ilk avtomobillər olmuşdur.

Mercedes Benz 220

 

1963-cü ildə, Mercedes-Benz 600 modelinin buraxılışına start verməklə şirkət özünün “avtomobil dəbdəbəsinin məskəni” reputasiyasını əməlli başlı möhkəmləndirir. Bu eleqant və dəbdəbəli sedan limuzin formasında da istehsal edilirdi və o zəmanənin tələblərinə görə proqressiv hesab olunan pnevmo-asma sisteminə və 300 at gücünü hasil etməyə qadir V8 mühərriki ilə təchiz olunmuşdu. Mercedes-Benz 300 SEL 6.3 modelinin işıq üzü görməsi də məhz həmin onilliyə təsadüf edib. Tam ölçülü sedan, sükut vəziyyətindən 60 km/saat sürətinə yeddi saniyədən daha az müddətdə nail olmaqla, öz həməsrlərin arasında ən sürətli şıq kateqoriyalı avtomobil kimi tanınmışdı.

Yetmişinci illər öz növbəsində, S-Class adlandırılmış Mercedes avtomobillərinin yeni model xəttinin yaradılması ilə yadda qalır. Bu zəngin görkəmli sedan və kupelər sərnişinləri qüvvətli mühərriklər və bir sıra dəbdəbəli cəhətlər ilə nazlandırmaqda idi. Mercedes şirkəti bu əsrdə də qabaqcıl texnologiyaların inkişaf etdirilməsi yönündə öz tədqiqatlarına davam etdirməklə, avtomobillərdə bloklanmayan əyləc sistemini tətbiq etmiş ilk istehsalçı olmuşdur.

Daimler-Benz alyansının təhlükəsizlik sahəsindəki uğurları 1980-ci illərdə də davam etməkdə idi. Pnevmobalışlar və dartıya nəzarət sistemi məhz bu şirkətin istehsal etdiyi avtomobillərdə ilk dəfə istifadə edilmişdir. Bundan əlavə, çox həlqəli ön asma sisteminin təqdim edilməsi avtomobillərdə sürücülük rahatlığı və idarə oluna bilmə qabiliyyətini nəzərə çarpacaq dərəcədə artıran yeniliklərdən idi. Bu texnologiya ilk dəfə Mercedes-Benz 190 E modelində tətbiq olunaraq, günümüzdə də bu şirkətin şassi mühəndisliyinin zəruri komponenti kimi qalmaqdadır.

Doxsanıncı illərdə, istehsalçının AMG ilə əldə etdiyi işbirliyinə dair razılaşması sayəsində Mercedes-Benz avtomobilləri öz güc və performanslarını bir qədər də artırmış oldular, sonralar bu mükəmməlləşdirmə və tyuninq emalatxanası şirkət tərəfindən mənimsənilərək bəzi avtomobil modellərinin yüksək-performanslı versiyalarının işlənib hazırlanmasına yardım etməyə davam edirdi. Birləşmiş Ştatlarda təklif olunmuş ilk AMG modeli, 1995-ci ildə idman üslubunda istehsal olunmuş C36 AMG olmuşdur; həmin vaxtdan günümüzədək Mercedes şirkəti avtomobillərinin demək olar ki bütün modelləri üçün AMG-tyuninqli versiyaları təklif edə bilmə səviyyəsinə çıxmışdır.

Şirkətin günümüzdəki hasilat diapazonu hər zaman olduğundan daha geniş və əhatəlidir. Hazırda Mercedes şirkətinin sərgi-nümayiş salonlarını dolduran sedan, kupe, djip və eləcə də roadster müxtəlifliyinin arasında yeganə çatışmayan cəhət pikap tipli yük maşınlarıdır. Sadalanmış bütün digər tipli avtomobillərinin, illər öncə olduğu kimi bu brendin maşın aləmindəki alilik statusunun günümüzdə də toxunulmaz qalmasının təminatçıları olması isə şübhəsizdir.

Mercedes Benz

Modeller

Mercedes Benz SL

Minik avtomobilləri

 

About these ads

About Ağalar Mikayıllı

Mikayıllı Ağalar Agaxəlil oğlu. Bakı şəhərində anadan olmuşam. Azərbaycan Kooperasiya Universitetini bitirmişəm. "Engin Ltd" şirkətində WMS operator vəzifəsində çalışıram. Bununla da yanaşı Azərbaycanın ən böyük QHT-si olan "İRƏLİ" İB-in aktiv üzvlərindən biriyəm!!! Postlarımın çoxu ən aktual mövzular və qarşılaşdığım maraqlı, yadda qalan, xoş hadisələrlə bağlıdı...

Şərh üçün bağlıdır.

İzlə

Hər yeni yazı üçün e-poçt qutunuza göndəriş alın.

%d bloqqer bunu bəyənir: